په غزني ولایت کې پر (۲۰۰) تنو معلولینو باندې مرستې وویشل شوې
په غزني ولایت کې د سیلاب خیریه بنسټ له لوري او د شهیدانو او معلولینو چارو ریاست په همغږۍ په دوه سوه (۲۰۰) اړمنو معلولینو باندې خوراکي توکي چې په هغه اوړه، غوړي، وریجې، بوره اوچای شامل وو، وويشل.
د یادو مرستو د وېش پر مهال د غزني ولایت د شهیدانو او معلولینو چارو رئيس محترم مولوی محمدانور برادر د یاد خیریه بنسټ له مرستو څخه مننه وکړه او په نورو مؤسسو او خیریه بنسټونو یې غږ وکړ چې د دې اړمن قشر (معلولینو) سره لا زياتې مرستې تر سره کړي تر څو په سمه توګه د هغوی لاسنیوی وشي.
