په سل تنو معلولیت لرونکو وګړو باندې په بغلان ولایت کې ویلچرونه ووېشل شول
یاد ویلچرونه د بغلان ولایت د شهیدانو او معلولینو چارو ریاست د یوې خیریه مؤسسې سره په همغږۍ پر سل (۱۰۰) تنو مستحقو معلولینو باندې په شفاف او منظم ډول ووېشل، د ویلچرونو سربېره هر مستحق ته (۱۰۰۰) افغانۍ د لارې کرایې په توګه هم ورکړل شوې.
د بغلان ولایت د شهیدانو او معلولینو چارو رئیس محترم ملا احسان الله عابد د یاد ولایت اړوند معلولینو ته ډاډ ورکړ کومې مرستې چې له یاد ریاست سره ترسره کېږي د هغوی څخه به معلولین هم برخمن شي.
