په زابل ولايت کې پر (۱۰۰) تنو مستحقو کسانو باندې مرستې ووېشل شوې
د زابل ولايت د شهيدانو او معلولينو چارو رياست د نداء الخیر مؤسسې سره په همغږۍ پر (۱۰۰) تنو مستحقو یتیمانو باندې مرستې ووېشلې، چې هر مستحق یتیم (۷۰۰۰) افغانۍ د نغدي مرستې په توګه ترلاسه کړې.
د مرستو د وېش پر مهال د زابل ولايت د شهيدانو او معلولينو چارو رئيس محترم ملا عبدالحکیم دانش او د مؤسسې مسؤلينو شتون درلود.
همداراز یتیمانو او د هغوی کورنیو د شهیدانو او معلولینو چارو ریاست او د نداء الخیر مؤسسې څخه یې مننه وکړه او هیله یې وښوده چې دا ډول مرستې دوام ومومي، ترڅو یې اقتصادي ستونزې راکمې شي.
