په بامیان ولایت کې پر (۳۰۰) تنو مستحقو کسانو باندې د ژمنیو مرستو وېش
د بامیان ولایت د شهیدانو او معلولینو چارو رياست د يوې خيريه مؤسسې په مالي ملاتړ پر (۳۰۰) تنو مستحقو یتیمانو، کونډو او معلولینو باندې ژمنۍ مرستې چې په هغه کې البسه او کمپلې شاملې وې، په منظم او عادلانه ډول ووېشلې.
د یادو مرستو د وېش پر مهال د باميان ولايت والي محترم الحاج مولوي عبدالله سرحدي، د شهیدانو او معلولینو چارو رئیس محترم علي خان احمدي، د استخباراتو رياست استازي او د خيريه مؤسسې مسؤلينو شتون درلود.
محترم عليخان احمدي د وزارت مقام د ځانګړې پاملرنې او د خیریه موسسې له همکاريو څخه د مننې تر څنګ، له مسؤلينو غوښتنه وکړه چې د ټولنې له زیانمن شوي قشر په ځانګړي ډول معلولینو، یتیمانو او کونډو سره لازمې مرستې ترسره کړي.
