په ارزګان ولايت کې پر (۱۰۳) تنو مستحقو معلولینو باندې ويلچرونه ووېشل شول
د ارزګان ولايت د شهيدانو او معلولينو چارو رياست د یوې خیریه مؤسسې سره په همغږۍ پر (۱۰۳) تنو مستحقو معلولينو باندې ویلچرونه ووېشل شول، چې سل (۱۰۰) تنو معلولینو ته ساده ويلچرونه او درې تنو نورو معلوليت لرونکو وګړو ته برېښنايي ويلچرونه ورکړل شول.
په ورته وخت کې هر معلول سره یوه اندازه نغدي مرسته هم ترسره شوه.
د یادو ويلچرونو د وېش پر مهال د شهيدانو او معلولينو چارو آمر محترم ملا عبدالقاهر انس او د ټولنیزو چارو خدمتونو مدیر محترم احمد عبيده هم شتون درلود.
