محترم شیخ صاحب عبدالحکیم حقاني د تخار ولایت د شهیدانو او معلولینو چارو ریاست لپاره نوی رئیس معرفي کړ
د افغانستان اسلامي امارت د ریاست الوزراء عالي مقام د حکم پر اساس او د شهیدانو او معلولینو چارو وزارت د وړاندیز له مخې، محترم قاري شمس الامین زهیر د تخار ولایت د شهیدانو او معلولینو چارو ریاست د نوي رئیس په توګه د شهیدانو او معلولینو چارو وزارت مرستیال محترم شیخ صاحب عبدالحکیم حقاني لخوا کارکوونکو ته معرفي او خپل دنده یې رسماً پیل کړه.
د معرفي په دې مراسمو کې د شهیدانو او معلولینو چارو وزارت مرستیال محترم شیخ صاحب عبدالحکیم حقاني، د کورنۍ پلټنې رئیس محترم مولوي احسان الله حقاني او یو شمېر نورو مسؤلینو هم حضور درلود.
محترم قاري شمس الامین زهیر تر دې وړاندې د کابل ولایت د شهیدانو او معلولینو چارو د رئیس په توګه دنده ترسره کړې او په دې په موده کې یې چارې په پوره بریالیتوب سره ترسره کړې دي.
