سلګونو تنو یتیمانو سره په کنړ ولایت کې مرستې ترسره شوې
د شهیدانو کورنیو د ملاتړ او د هغوی ورځنیو ستونزو ته د ښې رسیدګي په موخه د کنړ ولایت د شهیدانو او معلولینو چارو ریاست د (HHRD) نړیوالې مؤسسې سره په همغږۍ په شیګل ولسوالۍ کې پر (۲۵۰) مستحقو یتیمانو باندې مرستې ووېشلې، چې په یادو مرستو کې اوړه، غوړي، وریجې او د ځینو نورو خوراکي توکو ترڅنګ یو اندازه نغدي مرستې هم شاملې وې.
د کنړ ولایت د شهیدانو او معلولینو چارو رئیس محترم مفتي عبیدالله حقاني د مرستندویه مؤسسې له کړیو مرستو یې قدرداني وکړه او د یاد قشر لپاره یې د لا زیاتو مرستو پر برابرولو ټینګار وکړ.
