د کندهار ولایت د شهیدانو او معلولینو چارو په ریاست کې اداري غونډه ترسره شوه
د چارو د لاښه والي او د شهیدانو کورنیو او معلولیت لرونکو وګړو ته د لا ښه او معیاري خدمتونو وړاندې کولو په موخه، د کندهار ولایت د شهیدانو او معلولینو چارو رئیس په مشرۍ اداري غونډه ترسره شوه چې د اړوند برخو ټولو کارکوونکو پکې ګډون کړی وو.
په دې غونډه کې د کندهار ولایت اړوند د یتیمانو، کونډو او معلولیت لرونکو وګړو د کور په کور د سروې ترسره کولو څرنګوالي په هکله خبرې وشوې، د هغوی د سروې په موخه بېلابېلې کمېټې وټاکل شوې چې په پوره شفافیت سره د کور په کور د سروې چارې ترسره کړي، ترڅو واقعي مستحقین وپېژندل شي او د میاشتني نغدي مساعدتونو څخه برخمن شي.
د دې سربېره د شهیدانو کورنیو او معلولیت لرونکو وګړو چارو ته د ښې رسیدګي په موخه هم کارکوونکو اړینې سپارښتنې وشوې.
