د معلولينو د بیا ځواکمنتيا ریاست د ذهني او رواني څانګې نوی آمر معرفي او په کار يې پيل وکړ

nasrat_admin
یکشنبه ۱۴۰۲/۱۱/۲۲ - ۱۶:۱۶
mmd

د معرفي په دې غونډه کې د معلولینو د بیا ځواکمنتيا رئيس محترم مولوي عبدالنافع منتفع، د استخدام آمر محترم الحاج محمد انور سخي زاده، د سوانحو او ارزونې آمر محترم کریم الله فاروقي او د یاد ریاست کارکوونکو ګډون درلود.

محترم علي خان احمدي د شهیدانو او معلولینو چارو وزارت د لزوم دید او هدایت پر اساس د یاد وزارت د استخدام آمر محترم الحاج محمد انور سخي زاده له خوا د ذهني او رواني بیا ځواکمنتيا د نوي آمر په توګه کارکوونکو ته وروپېژندل شو.

په دې پروګرام کې د معلولینو د بیا ځواکمنتيا رئيس محترم مولوي عبدالنافع منتفع خبرې وکړې او زیاته یې کړه: زمونږ هڅه او کوښښ دا دې تر څو د شهیدانو ورثه ؤ او معلولینو ته په روغتیایي برخو کې لا ډيرې آسانتیاوې رامنځ ته کړو تر څو هغوی د معیاري خدمتونو څخه برخمن شي.

د نوي آمر د معرفي کولو په غونډه کې د شهیدانو او معلولینو چارو وزارت د استخدام آمر د خبرو په ترڅ کې په اداره کې تغییر او بدلون یو اصل وګاڼه او نوي آمر ته یې په چارو کې د بریالیتوب هیله څرګنده کړه. نوموړي همداراز د یاد ریاست له کارکوونکو څخه وغوښتل چې ورسپارل شوي مسؤلیتونه په پوره اخلاص ترسره کړي.

په دې مراسمو کې د ذهني او رواني بیا ځواکمنتيا نوي آمر محترم علي خان احمدي هم خبرې وکړې او زیاته یې کړه: یتیمان، کونډې او معلولین د ټولنې تر ټولو زیانمن قشر دی، موږ باید په پوره همغږۍ او مسؤلیت سره هغوی ته لا ښه خدمتونه وړاندې کړو.

تازه خبرونه

دوشنبه ۱۴۰۲/۱۱/۳۰ - ۱۵:۳
Background image

په بامیانو ولایت کې دوه سوه (۲۰۰) تنو بې سرپرسته ښځو خوراکي مواد ترلاسه کړل

د بامیانو ولایت په ورس، پنجاب، یکاولنګ نمبر(۱) و یکاولنګ نمبر(۲) کې د دې ولایت د مقام له لوري او د شهیدانو او معلولینو چارو ریاست په همکارۍ پر (۲۰۰) بې سرپرسته ښځو باندې اوړه، وویشل شول. . .

دوشنبه ۱۴۰۲/۱۱/۳۰ - ۱۴:۶
Background image

د شهیدانو او معلولینو چارو وزارت د کارکوونکو د کاري ظرفیتونو د لوړولو په موخه روزنیز ورکشاپ پیل کړ

د دې ورکشاپ په پرانیست غونډه کې د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي، د دعوت او ارشاد رئیس محترم مفتي عبدالاحد. . .

یکشنبه ۱۴۰۲/۱۱/۲۹ - ۱۵:۲۴
Background image

د شهیدانو او معلولینو چارو وزارت کې له شپږ دیرشو (۳۶) تنو کارکوونکو څخه د یوې روزنیزې دورې له بشپړولو وروسته د کمپیوټر د پروګرامونو ازموینه واخیستل شوه

د شهیدانو او معلولینو چارو وزارت د بشري سرچینو ریاست د یاد وزارت اړوند (۳۶) تنو کارکوونکو ته د کاري ظرفیتونو لوړولو په موخه د کمپیوټر پروګرامونو (ورډ او اکسل) تدریس پیل کړی وو چې نن د. . .

BACK TO NEWS