د لوګر ولایت د شهیدانو او معلولینو چارو په ریاست کې د دعوت او ارشاد له چارو څخه ارزونه ترسره شوه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ يو پلاوي چې د مرکزي مفتشینو آمر محترم مولوي امان الله جمالي یې ملتیا کوله، لوګر ولایت ته یې د سفر پر مهال، د شهیدانو او معلولینو چارو ریاست له کاري بهیر او د دعوت او ارشاد له چارو څخه یې ارزونه ترسره کړه.
محترم مفتي عبدالاحد مسعود د دې ارزونې پر مهال کارکوونکو ته د دعوت او ارشاد په هکله لازمې سپارښتنې وکړې او له هغوی يې وغوښتل چې د دعوت او ارشاد برخې ته جدي پاملرنه ولري.
نوموړي همداراز د شهیدانو او معلولینو چارو په ریاست کې د دعوت او ارشاد له مسؤل سره یو اندازه نغدي مرسته هم ترسره کړه.
