د فراه ولایت د شهیدانو او معلولینو چارو ریاست لپاره نوی رئیس د یاد ریاست کارکوونکو ته معرفي شو
د افغانستان اسلامي امارت د ریاست الوزراء عالي مقام د حکم پر اساس او د شهیدانو او معلولینو چارو وزارت د لزوم دید او وړاندیز له مخې، محترم ملا سید ولي د فراه ولایت د شهیدانو او معلولینو چارو ریاست د نوي رئیس په توګه، د دې وزارت د مالي او اداري چارو عمومي رئيس محترم مولوي کلیم الله افغان له لورې د یاد ریاست اړوند کارکوونکو ته د یوې غونډې په ترڅ کې معرفي او خپل دنده یې پیل کړه.
د فراه ولایت د شهیدانو او معلولینو چارو په ریاست کې په همدې موخه جوړه شوې غونډه کې، د مالي او اداري چارو عمومي رئیس محترم مولوي کلیم الله افغان، د کارکوونکو چارو رئیس محترم مولوي محمد موسی صدیقي، د شهیدانو ورثه وو او معلولینو د پالنې مرکز رئیس محترم مولوي احسان الله حقاني، د فراه ولایت مقام د دفتر رئیس محترم مولوي امین الله غازي، د ولایت ویاند محترم مولوي اسامه او د شهیدانو او معلولینو چارو وزارت د معلولینو د حقوقو د محاسبې آمر محترم مولوي قدرت الله حقاني هم حضور درلود.
