د فاریاب ولایت د شهیدانو او معلولینو چارو په ریاست کې د ولسوالېو اړوند او د دې رياست اداري مدیرانو ته روزنیز ورکشاپ دایر شو
یاد روزنیز ورکشاپ چې د شهیدانو او معلولینو چارو وزارت د رهبرۍ د نوې پریکړې پر بنسټ د فارياب ولایت د شهیدانو او معلولینو چارو رياست د ولسوالېو مدیرانو او د دې رياست اداري مدیرانو ته په لاره اچول شوی وو، په هغه کې د ادارې او مدیریت په برخو کې او همداراز د تثبیت او ثبت شویو یتیمانو، کونډو او معلولینو د بیاځلې تصفیې په اړه لازمې لارښوونې وشوې او په ورته وخت کې د ډیټابیس له مخې د پورتنېو کسانو لیستونه ترتیب او د تصفیې او پلټنې په موخه اړوندو مدیرانو ته وسپارل شول همداراز د کلني پلانونو ترتیب شوي فارمټونه هم دوی ته وویشل شول تر څو د هغه پر بنسټ خپلې دندې تنظیم کړي.
د يادونې وړ ده چې په ياد روزنیز ورکشاپ کې د فاریاب ولایت د شهیدانو او معلولینو چارو رئیس محترم مولوي محمد نادر خالد هم حضور درلود.
