د شهیدانو او معلولینو چارو په وزارت کې د شهیدانو او معلولینو چارو آمریت لپاره نوی آمر معرفي شو
د شهیدانو او معلولینو چارو وزارت مقام د لزوم دید پر اساس محترم قاري شمس الامین زهیر د شهیدانو او معلولینو چارو آمریت د نوي آمر په توګه د محترم شیخ صاحب عبدالحکیم حقاني لخوا د یاد آمریت کارکوونکو ته معرفي او خپله دنده یې پیل کړه.
د معرفي په غونډه کې د شهیدانو او معلولینو چارو وزارت مرستیال محترم شیخ صاحب عبدالحکیم حقاني، د مقام د دفتر رئیس محترم مولوي شاه محمد دوست، د خدماتو، ساتنې او پاملرنې رئیس محترم مولوي سردار محمد حبیب، د کورنۍ پلټنې رئيس محترم مولوي محمد انور برادر، د کابل ولایت د شهیدانو او معلولینو چارو رئیس محترم ملا شیر محمد صمیم او د وزارت یو شمېر آمرینو او کارکوونکو حضور درلود.
محترم شیخ صاحب عبدالحکیم حقاني د نوي آمر د معرفي په غونډه کې اړوندو کارکوونکو ته د یتیمانو، کونډو او معلولینو لپاره د لا ښو خدمتونو وړاندې کولو په اړه لازمې سپارښتنې وکړې، د محترم قاري شمس الامین زهیر تېرې کړنې او هڅې وستایلې او ورته یې د چارو په ترسره کولو کې د لا زیاتو بریالیتوبونو هیله څرګنده کړه.
