د شهیدانو او معلولینو چارو په وزارت کې د النصیر خیریه بنسټ لخوا پر زرو تنو معلولینو، کونډو او یتیمانو باندې د مرستو کڅوړې وویشل شوې
په هغه پروګرام کې چې په همدې موخه د شهیدانو او معلولینو چارو وزارت کې جوړ شوې وو، په هغې کې د یاد وزارت د ټولنیزو خدمتونو چارو رئیس ښاغلي مولوي ثنأالله فرقاني، د نوموړي وزارت د اطلاعاتو او عامه اړیکو مسؤل ښاغلي مفتي فیصل خاموش او همداراز د النصیر خیریه بنسټ ځینو مسؤلینو ګډون درلود.
د دې پروګرام په ترڅ کې د النصیر خیریه بنسټ لخوا د شهیدانو او معلولینو چارو وزارت په همغږۍ د مرستو (۱۰۰۰) کڅوړې چې په هغې کې ( کمپلې او البسه) شاملې وې، پر زرو تنو اړمنو یتیمانو، معلولیت لرونکو او کونډو باندې وویشل شول.
د شهیدانو او معلولینو چارو وزارت د اطلاعاتو او عامه اړیکو مسؤل ښاغلي مفتي فیصل خاموش د پورتنیو مرستو د وېش پرمهال د یاد خیریه بنسټ له مرستو څخه مننه وکړه، نوموړي همداراز له نورو خیریه بنسټونو او مؤسسو څخه وغوښتل تر څو د دې بیوزله قشر (معلولینو، کونډو او یتیمانو) لاسنيوی وکړي.
