د شهیدانو او معلولینو چارو وزارت یو پلاوي نیمروز ولايت ته سفر وکړ
د شهیدانو او معلولینو چارو وزارت د مرکزي مفتشینو آمر محترم مولوي امان الله جمالي په مشرۍ يو پلاوي نیمروز ولایت ته یې د سفر په ترڅ کې د شهیدانو او معلولینو چارو ریاست د فعالیتونو او کړنو څخه بررسي او ارزونه پیل کړه.
ټاکل شوې ده، ياد پلاوی به، په نیمروز ولایت کې د شهیدانو او معلولینو چارو ریاست له لوري یتیمانو، کونډو او معلولینو ته د میاشتنۍ نغدي مساعدتونو د وېش او همداراز هغوی ته د خدمتونو وړاندې کولو څرنګوالی په هر اړخیزه توګه وڅیړي او په یاد ریاست کې به شته ستونزې په نښه او د حل په موخه به یې مسؤلینو او کارکوونکو ته لازمې لارښوونې وکړي.
