د شهیدانو او معلولینو چارو وزارت يو پلاوي د دايکندي ولایت مرکز نيلي ښار په ځینو نواحيو او ولسوالېو کې د شهیدانو له یو شمیر وارثینو او معلولینو سره له نږدې وکتل
د شهیدانو او معلولینو چارو وزارت د څارنې او ارزونې رئیس ښاغلي مولوي نورالحق حقاني د یو پلاوي په مشرۍ دایکندي ولایت ته د سفر په ترڅ کې په دې ولایت کې د شهيدانو او معلولینو چارو ریاست د کړنو او فعاليتونو د څيړلو وروسته په پاتو ولسوالې او همداراز نیلي ښار په ځینو نواحيو کې د شهیدانو له یو شمیر وارثینو او معلولیت لرونکو وګړو سره له نږدې وکتل، د هغوی ستونزې یې واوریدې، او د ستونزو د حل په برخه کې یې لازم اقدامات ترسره کړل، نوموړي همداراز له هغوی سره يوه اندازه نغدي مرسته هم وکړه.
د دې سفر په ترڅ کې مؤظف پلاوي په ياد ولایت کې د شهيدانو وارثینو او معلولینو د موجوده اسنادو د څېړلو وروسته د ياد رياست مسؤلينو ته د ښو او غوره خدمتونو وړاندې کولو په هکله لازمې لارښوونې وکړې.
ټاکل شوې ده چې یاد پلاوی به د غور ولایت د شهیدانو او معلولینو چارو ریاست کړنې او فعاليتونه هم په هر اړخیزه توګه وڅیړي.
