د شهیدانو او معلولینو چارو وزارت مسلکي او تخنيکي چارو مرستیال محترم الحاج ملا عبدالرزاق آخند پروان ولایت ته سفر وکړ
د شهیدانو او معلولینو چارو وزارت مسلکي او تخنيکي چارو مرستیال محترم الحاج ملا عبدالرزاق آخند د دې سفر په ترڅ کې پروان ولايت د مرکز سر بېره په بګرام، کوه صافي، شينواري او سیاګرد ولسوالېو کې د خاصو شهیدانو (فدایانو) له کورنېو او یتیمانو سره له نږدې وکتل د هغوی ستونزې یې واوريدې او له هغوی سره یې نغدي مرسته هم ترسره کړه.
محترم الحاج ملا عبدالرزاق آخند د فدايانو له کورنېو سره په کتنه کې وویل: شهادت ډیر لوړ مقام دې او شهید د خدای جل جلاله په نزد ډیر لوړ منزلت لري، موږ او تاسو باید د سپېڅلو شهیدانو له قربانېو سره خیانت ونکړو او دعاوې وکړو تر څو هغه اسلامي نظام او آزادي چې د دوی د قربانېو په برکت راغلې ده هغه ضایع نشي او دا هغه وخت ممکن دی چې خپل صف واحد وساتو.
هغه همداراز زياته کړه: د عالیقدر امیرالمؤمنین حفظه الله د عمومي عفوې په برکت سره په هېواد کې د امن او اخوت فضا رامنځ ته شوې چې نن ورځ ټول هېوادوال د ورورولۍ په فضا کې سره ژوند کوي.
همداراز د دې سفر په ترڅ کې د شهیدانو او معلولینو چارو وزارت مسلکي او تخنيکي چارو مرستیال محترم الحاج ملا عبدالرزاق آخند چې د یاد وزارت د خاصو شهیدانو آمر محترم مولوي محمد یې ملتیا کوله، د خاصو شهیدانو (فدایانو) له دیارلس (۱۳) کورنېو سره یې نغدي مرسته هم ترسره کړه، چې هرې کورنۍ ته پنځلس زره (۱۵۰۰۰) افغانۍ د نغدي مرستې په توګه ورکړل شوې.
