د شهیدانو او معلولینو چارو وزارت مرستیال د یتیمانو او معلولیت لرونکو وګړو د بایومټریک پروسې څخه لیدنه وکړه

nasrat_admin
سه‌شنبه ۱۴۰۱/۹/۱۵ - ۱۵:۳۷
mmd

د شهیدانو او معلولینو چارو وزارت تخنیکي او مسلکي چارو مرستیال ښاغلي مولوي عبدالرزاق آخند او ورسره مل پلاوي چې په هغې کې د پلان او همغږۍ رئیس سید محمد عظیم آغا او د څارنې او ارزونې رئیس مولوي نورالحق حقاني شامل وو، نوموړي پلاوي د معلولینو او یتیمانو د بایومټریک پروسې او هغوی ته د پیژند پاڼو د ویش له مرکز څخه لیدنه وکړه.

په یاده لیدنه کې د نوموړي وزارت د دیټابیس رئیس ښاغلي مولوي رحمت الله خالد د معلولینو او یتیمانو د بایومټریک پروسې او هغوی ته د نوي کارټونو د ورکړۍ په هکله هر اړخیز معلومات وړاندې کړل.

په ورته وخت کې د یاد وزارت تخنیکي او مسلکي چارو مرستیال ښاغلي مولوي عبدالرزاق آخند د ډیتابیس او بریښنایې پيژند پاڼو کارکوونکو ته دخپلو خبرو په ترڅ کې وویل: د معلولینو او یتیمانو د بایومټریک او هغوی ته د بریښنایي پيژند پاڼو د ورکړې په برخه کې باید له پوره ځیرکتیا او دقت څخه کار واخیستل شي.

 نوموړي همداراز د یاد ریاست کارکوونکي وهڅول تر څو معلولینو او یتیمانو ته ښه خدمتونه وړاندې کړي.

د یادونې وړ ده چې د شهیدانو او معلولینو چارو وزارت د معلولینو او یتیمانو د بایومټریک او هغوی ته د هویت کارټونو د ورکړې پروسه درې ورځې وړاندې پیل کړې ده.

د یتیمانو او معلولیت لرونکو وګړو د بایومټریک پروسه به د یوې منظمې طرحې سره سم مخته وړل کیږي او هره ورځ به معلولین او یتیمان لومړی بایومټریک او وروسته به هغوی ته دهویت کارتونه ورکول کیږي.

تازه خبرونه

سه‌شنبه ۱۴۰۱/۱۱/۱۸ - ۱۵:۱۷
Background image

د شهیدانو او معلولینو چارو وزارت د یتیمانو او معلولینو د پالنې له مرکز څخه څلویښت تنه کسان فارغ شول

یاد روزنیز پروګرام څلور میاشتې وړاندې د شهیدانو او معلولینو چارو وزارت لخوا په لاره اچول شوی وو چې په هغې کې څلویښت تنو یتیمانو او معلولینو ته د اقتصادي بساینۍ په موخه د خیاطۍ او مبایل. . .

پنجشنبه ۱۴۰۱/۱۱/۶ - ۱۱:۱۴
Background image

د شهیدانو او معلولینو چارو وزارت کې د تشکیلاتي طرحې د ترتیب په موخه با صلاحیته کمیټه جوړه شوه

د شهیدانو او معلولینو چارو وزارت ته د چارو محترمې ادارې لوی ریاست لخوا راستول شوي مکتوب پر بنسټ د یاد وزارت د ۱۴۰۲ مالي کال لپاره د یوې جامع او هراړخیزې تشکیلاتي طرحې ترتیب چې د وزارت د. . .

پنجشنبه ۱۴۰۱/۱۱/۶ - ۹:۲۵
Background image

ّپه لغمان ولایت کې پر څوارلس ملکي جنګ ځپلو کورنېو باندې د مرستو کڅوړۍ وویشل شوې

د مرستو د ویش پرمهال د لغمان ولایت د شهیدانو او معلولینو چارو رئیس ښاغلي الحاج فیض الله( جواد) د بلومونټ خیریه مؤسسې له کړیو مرستو څخه مننه وکړه او مرستو اخیستونکو ته یې ډاډ ورکړ چې یاد. . .

BACK TO NEWS