د شهیدانو او معلولینو چارو وزارت د یتیمانو د ملاتړ په موخه د مسلم هنډز مؤسسې سره هوکړه لیک لاسلیک کړ
یاد هوکړه لیک د دې وزارت د بهرنيو اړیکو او پلان رئیس محترم ملا صدوخان حق شناس او د مسلم هنډز نړیوالې مؤسسې رئیس محترم محمد آصف فولاد ترمنځ لاسلیک شو، چې مجموعي ارزښت یې (۱۹) زره او (۴۰۴) امریکایي ډالره کېږي او د دې وزارت د ټولنیزو خدمتونو د تنظیم ریاست سره په همغږۍ به پلي شي.
د دې هوکړه لیک له مخې به، په کابل ولایت کې (۲۰۶) تنو یتیمانو لپاره (۱۱) ډوله خوراکي توکي چمتو او ووېشل شي.
