د شهیدانو او معلولینو چارو وزارت د یتیمانو د ملاتړ په موخه د افغانستان لپاره د إناره خیریه مؤسسې سره هوکړه لیک لاسلیک کړ

یاد هوکړه لیک د (۳) میلیونه او (۶۳۲) زره او (۳۰۰) افغانيو په ارزښت د دې وزارت د بهرنيو اړیکو او پلان رئيس محترم ملا صدو خان حق شناس او د افغانستان لپاره د إناره مؤسسې مسؤل محترم اکرام الله صافي ترمنځ لاسلیک شو، چې د هغه پر بنسټ به، په کابل او ننګرهار ولایتونو کې (۱۵۰۰) تنو یتیمانو ته ژمني توکي چمتو او ووېشل شي.

محترم ملا صدو خان حق شناس د هوکړه لیک د لاسلیکولو پر مهال یتیمانو او معلولینو ته د لا زیاتو مرستو پر چمتو کولو ټینګار وکړ، او د مؤسسې له مسؤل څخه یې وغوښتل چې د شهیدانو او معلولینو چارو  وزارت سره په همغږۍ مستحقو کسانو باندې خپلې مرستې ووېشي تر څو له مرستو واقعي مستحقین برخمن شي.

د یادونې وړ ده چې یاده پروژه به د یوې میاشتې په موده کې د کابل او ننګرهار ولایتونو د شهیدانو او معلولینو چارو ریاستونو سره په همغږۍ تطبیق شي.