د شهیدانو او معلولینو چارو وزارت د هیواد د امنیتي او دفاعي ځواکونو شهیدانو کورنیو ته د ځمکې د ویشلو د پروسې له پیل څخه هرکلی کوي

sadiq_admin
پنجشنبه ۱۴۰۰/۴/۱۰ - ۱۲:۴
x

د شهیدانو او معلولینو چارو وزارت د هیواد د امنیتي او دفاعي ځواکونو شهیدانو کورنیو ته د ځمکې د ویشلو د پروسې له پیل څخه هرکلی کوي.

د شهیدانو او معلولینو وزارت د امنیتي او دفاعي ځواکونو د شهیدانو کورنیو ته د 10 زرو نمرو د وېشلو د پیل له امله د افغانستان د اسلامي جمهوریت له جلالتمآب جمهور رئیس څخه د زړه له کومې مننه کوي.

همداراز دغه وزارت د ولسمشر د لومړي مرستیال، ښاغلي امرالله صالح، اړوندو بنسټونو او تخنیکي همکارانو له نه ستړې کیدونکو هڅو څخه هم مننه کوي، چې دې ویاړلي قشر ته یې د ځمکې د توزیع پروسې د پیل زمینه برابره کړه.

د جلالتمآب ولسمشر محمد اشرف غنی لخوا پرون د وسله والو ځواکونو د شهیدانو کورنیو ته د ۱۰ زرو نمرو د ویش پروسه د امنیتی او دفاعی ځواکونو شهیدانو د میړانې، اتلولۍ او قربانیو ته د حکومت او ملت هغه درناوی څرګندوي کوم چې دوي د خپلواکي، ځمکنۍ بشپړتیا او حاکمیت ساتلو په برخه کې له ځانه ښودلې.

د شهیدانو او معلولینو چارو وزارت په دې باور دی چې د وسله والو ځواکونو د شهیدانو وارثینو ته د ځمکې ویش په هیڅ ډول د امنیتی او دفاعي ځواکونو لخوا د قربانیو بدیل نه شي کیدای چې دوی د ملي حاکمیت، ځمکني بشپړتیا، آزادۍ او خپلواکۍ د دفاع لپاره خپل ژوند او وینه قرباني کړئ. مګر د دوی وارثانو ته د ۱۰ زرو نمرو د ویش پیل، په حقیقت کې د دوی اتلولۍ او قربانیو ته ارزښت ورکول څرګندوي.

د شهیدانو او معلولینو چارو وزارت د وسله والو ځواکونو د شهیدانو کورنیو ته د ځمکې د ویشلو د پروسې د پیل هرکلی تر څنګ د ویاړلې امنیتي او دفاعي ځواکونو د شهیدانو کورنیو ته د ځمکې د ویش په پروسه کې له اړوندو بنسټونو سره د ځمکې د تثبیت او د ویش په لړۍ کې هر ډول همکاریو ته چمتو دی.

د شهیدانو او معلولینو چارو وزارت همدا راز ژمن دی چې امنیتي ځواکونو ته د ځمکې د توزیع په پروسه کې د روڼتیا په رامنځ ته کولو او د فساد پروړاندې مبارزه وکړي تر څو حق حقدار حقدار ته وسپارل شي او وزارت به په دې برخه کې له نورو اړوندو بنسټونو سره په نږدې همغږۍ او همکارۍ کې هیڅ ډول هڅه ونه سپموي.

په درنښت

پوهنمل حمیدالله فاروقي

د شهیدانو او معلولینو وزارت سرپرست او نوماند وزیر

پنجشنبه/ ۱۰ چنګاښ/ 1400

 

تازه خبرونه

پنجشنبه ۱۴۰۰/۴/۱۰ - ۱۲:۴
Background image

د شهیدانو او معلولینو چارو وزارت د هیواد د امنیتي او دفاعي ځواکونو شهیدانو کورنیو ته د ځمکې د ویشلو د پروسې له پیل څخه هرکلی کوي

د شهیدانو او معلولینو وزارت د امنیتي او دفاعي ځواکونو د شهیدانو کورنیو ته د 10 زرو نمرو د وېشلو د پیل له امله د افغانستان د اسلامي جمهوریت له جلالتمآب جمهور رئیس څخه د زړه له کومې مننه. . .

پنجشنبه ۱۴۰۰/۴/۱۰ - ۹:۵۹
Background image

د جمهوررئیس له لوري د وسله وال پوځ د شهیدانو کورنیو ته د لس زره نمرو د وېش پیل

جمهوررئیس محمد اشرف غني د افغانستان د امنیتي او دفاعي ځواکونو او د محراب شهیدانو کورنیو ته د لس زره نمرو د وېش لړۍ یو شمېر مستحقینو ته د ملکیت سند په ورکولو سره، رسماً پیل کړه.

چهارشنبه ۱۴۰۰/۴/۹ - ۱۶:۱۳
Background image

د شهیدانو او معلولینو وزارت او د شهیدانو د وارثینو او معلولینو د ټولنیزو شوراګانو د استازو ترمینځ د ګډې مشورتي بورډ تاسیس یو له اساسي اړتیاو څخه دی.

د شهیدانو او معلولینو سرپرست وزیر ښاغلي پوهنمل حمیدالله فاروقي د شهیدانو ورثې او معلولیت لرونکو وګړو ټولنیزو بنسټونو او شوراګانو له استازو سره په کتنه کې د معلولیت لرونکو وګړو او د. . .

BACK TO NEWS