د شهیدانو او معلولینو چارو وزارت او د ZFA خیریه مؤسسې ترمنځ هوکړه لیک لاسلیک شو
د شهیدانو او معلولینو چارو وزارت د یتیمانو، کونډو او معلولینو د اقتصادي پیاوړتیا په موخه، د ZFA خیریه مؤسسې سره هوکړه لیک لاسلیک کړ، د دې هوکړه لیک پر اساس به، په کابل او تخار ولایتونو کې د شهیدانو او معلولینو پر (۵۵) مستحقو کورنیو باندې د شیدو وزې ووېشل شي.
یاد هوکړه لیک د دې وزارت د بهرنيو اړیکو او پلان رئیس محترم ملا صدو خان حق شناس او د ZFA خیریه مؤسسې مرستیال محترم فخرالدین غني ترمنځ لاسلیک شو او د تطبیق چارې به یې د کابل او تخار ولایتونو د شهیدانو او معلولینو چارو ریاستونو په همغږۍ پر مخ یوړل شي.
د یادونې وړ ده چې د دې پروژې ټولیز ارزښت (۳۶) زره او (۶۴۰) ډالره کېږي او د دوو میاشتو په موده کې به پلي شي.
