د شهیدانو او معلولینو چارو وزارت او د نصیر خیریه بنسټ ترمنځ د هوکړه لیک لاسلیک
د شهيدانو او معلولينو چارو وزارت د روژې په مبارکه مياشت کې د یتیمانو او معلولیت لرونکو وګړو د لاسنیوي په موخه د نصیر خیریه بنسټ سره هوکړه لیک لاسلیک کړ، چې له مخې به یې (۲۰۰) تنو مستحقو یتیمانو، کونډو او معلولینو لپاره اته (۸) ډوله خوراکي توکي چمتو او د کابل ولایت د شهیدانو او معلولینو چارو ریاست سره په همغږۍ به پر مستحقو کسانو ووېشل شي.
د همکاری یاد هوکړه لیک د دې وزارت د بهرنيو اړیکو او پلان رئیس محترم ملا صدوخان حق شناس او د نصیر خیریه بنسټ مسؤل محترم محمد جواد ترمنځ لاسلیک شو ، د يادې پروژې مجموعي لګښت (۷۰۰۰) امریکایي ډالره کېږي، چې په پلي کیدو سره به یې د یتیمانو، کونډو او معلولینو ستونزو ته رسیدګي وشي.
