د شهیدانو او معلولینو چارو وزارت او د اچ، اچ، آر، ډي مؤسسې ترمنځ د هوکړه لیک لاسلیک
د شهیدانو او معلولینو چارو وزارت د یتیمانو او معلولیت لرونکو کسانو لپاره د لوی اختر په مبارکو ورځو کې د قربانۍ غوښې د ویش په موخه د اچ، اچ، آر، ډي مؤسسې سره هوکړه لیک لاسلیک کړ. چې له مخې به یې په کابل، ننګرهار، لغمان، کنړ او پروان ولایتونو کې د (۴۱۶۸) تنو یتیمانو، کونډو او معلولینو لپاره د قربانۍ غوښه ووېشل شي.
یاد هوکړه لیک د دې وزارت د بهرنیو اړیکو او پلان رئیس، محترم ملا صدوخان حقشناس او د اچ، اچ، آر، ډي مؤسسې مرستیال محترم همایون نوري ترمنځ لاسلیک شو. چې مجموعي ارزښت یې (۱۲۳) زره او (۵۷۵) ډالر کېږي او په ولایتونو کې د شهیدانو او معلولینو چارو وزارت اړوند ریاستونو سره په همغږۍ به تطبیق شي.
