د شهیدانو او معلولینو چارو وزارت او د انساني مرستو مؤسسې ترمنځ د هوکړه لیک لاسلیک
د شهیدانو او معلولینو چارو وزارت د روژې په مبارکه میاشت کې د مستحقو کسانو لپاره د مرستو چمتو کولو په موخه د انساني مرستو مؤسسې سره د همکارۍ هوکړه لیک لاسلیک کړ .
د همکارۍ دغه هوکړه لیک چې د دې وزارت د بهرنيو اړیکو او پلان رئیس محترم ملا صدوخان حق شناس او د انساني مرستو مؤسسې مسؤل محترم نصرالله شینواري ترمنځ لاسلیک شو، له مخې به یې، د کابل ولایت اړوند (۱۸۲۵) تنو مستحقو یتیمانو، کونډو او معلولینو ته خوراکي مواد چمتو، همداراز د یتیم ماشومانو لپاره اختریزې کڅوړې هم ووېشل شي.
د یادونې وړ ده، د دې پروژې مجموعي لګښت (۶۱) زره او (۹۷۳) امریکایي ډالره کېږي او د کابل ولایت د شهیدانو او معلولینو چارو ریاست په همغږۍ به د یوې میاشتې په ترڅ کې تطبیق شي.
