د شهيدانو ورثه ؤ او معلولينو د پالنې په مرکز کې پر (۲۱۳) تنو زده کوونکو باندې د حفظ الصحې کڅوړۍ ووېشل شوې
د شهيدانو ورثه ؤ او معلولينو د پالنې په مرکز کې د فني او حرفوي زده کړو، د کمپيوټر، انګليسي او پښتو ژبو د زده کړه ييزو پروګرامونو په (۲۱۳) تنو زده کوونکو باندې د (HHRD) مؤسسې له لوري د حفظ الصحې توکي چې په هغه کې شامپو، صابون او ځینې نور شیان شامل وو، ووېشل شول.
د یادونې وړ ده، چې دغه توزیع د یاد مرکز رئیس محترم ملا رحمت الله خالد، د ټولنيزو خدمتونو رياست استازي محترم شيرين آغا او د مؤسسې مسؤلینو په حضور کې په شفاف او منظم ډول ترسره شوه.
