د بغلان ولایت برکۍ او نهرین ولسوالیو ته د شهیدانو او معلولینو چارو رئیس سفر
د بغلان ولایت د شهیدانو او معلولینو چارو رئیس محترم ملا احسان الله عابد یتیمانو، کونډو او معلولینو ته د خدمتونو وړاندې کولو بهیر څخه د ارزونې په موخه د برکۍ او نهرین ولسوالیو ته سفر وکړ، هلته یې د یادو ولسوالیو مدیرانو ته د مجردو شهیدانو د تثبیت او ثبت د څرنګوالي او د ځینو نورو موضوعاتو په هکله خبرې وکړې.
محترم ملا احسان الله عابد په برکۍ او نهرین ولسوالیو کې د شهیدانو او معلولینو چارو مدیریتونو له لوري یتیمانو، کونډو او معلولینو ته د وړاندې شویو خدمتونو څخه هم ارزونه ترسره کړه، د یو شمېر شهیدانو کورنیو سره یې له نږدې وکتل د هغوی ستونزې او غوښتنې واوریدې او ورسره یې نغدي مرستې هم ترسره کړې.
