د شهیدانو او معلولینو چارو وزارت او د انساني مرستو مؤسسې ترمنځ هوکړه لیک لاسلیک شو
د شهیدانو او معلولینو چارو وزارت د شهیدانو کورنیو د اقتصادي پیاوړتیا او ملاتړ په موخه د انساني مرستو مؤسسې سره د (۱۹۰ زره او ۲۸۳ ) افغانیو په ارزښت هوکړهلیک لاسلیک کړ.
د یاد هوکړه لیک له مخې به د کابل ښار اړوند یوې مستحقې کونډې ته د اقتصادي ځانبسیاینې، د عاید د دوامدارې سرچینې د رامنځته کولو په موخه یوه شیدې ورکوونکې غوا او اړین خوراکي توکي ورکړل شي.
یاد هوکړه لیک د بهرنیو اړیکو، پلان او تقنین چارو رئيس محترم مولوي ثناء الله فرقاني او د انساني مرستو مؤسسې مسؤل محترم نصر الله شینواری ترمنځ لاسلیک شو او د دې وزارت سره په همغږۍ به تطبیق شي.
