په کندهار ولایت کې د یو شمېر فدایانو او مجردو شهیدانو له کورنیو سره نغدي ترسره شوې
د کندهار ولایت د شهیدانو او معلولینو چارو رئيس محترم حاجي ملا عبدالقاهر فیروز په مشرۍ یو درې کسیز پلاوي د شهیدانو کورنیو د پوښتنې په موخه ارغستان ولسوالۍ ته سفر وکړ، په دې سفر کې د (۶۲) مجردو شهیدانو او د (۱۲) فدایانو له کورنیو سره له نږدې وکتل، د هغوی ستونزې او اړتیاوې یې واورېدې او له هغوی سره یې یوه اندازه نغدي مرستې هم ترسره کړې.
د کندهار ولایت د شهیدانو او معلولینو چارو رئیس یتیمانو، کونډو او معلولیت لرونکو وګړو ته د خدمتونو د وړاندې کولو له بهیر څخه هم لیدنه وکړه، د غوره او اغېزمنو خدمتونو د وړاندې کولو په موخه یې اړوندو کارکوونکو ته لازمې لارښوونې وکړې.
نوموړي د ارغستان ولسوالۍ له ولسوال سره د یتیمانو، کونډو او معلولیت لرونکو وګړو لپاره د لا ښو خدمتونو وړاندې پر څرنګوالي خبرې وکړې.
