د غزني ولایت د شهیدانو او معلولینو چارو په ریاست کې نوی آمر معرفي شو
د شهیدانو او معلولینو چارو وزارت د رهبرۍ د لزوم دید او حکم پر اساس محترم حافظ عبدالکریم د غزني ولایت د شهیدانو او معلولینو چارو په ریاست کې د شهیدانو او معلولینو چارو د نوي آمر په توګه کارکوونکو ته معرفي او خپلې چارې پیل کړې.
د نوي آمر د معرفي په غونډه کې د یاد ریاست رئیس محترم ملا عبدالحکیم دانش، مخکیني آمر محترم مولوي سیدمحمد ابوعرفان او د ریاست کارکوونکو شتون درلود.
محترم ملا عبدالحکیم دانش د مخکیني آمر د کارونو ستاینه وکړه او نوي آمر ته یې د الله جلجلاله څخه په چارو کې د لا زیاتو برياليتوبونو هیله څرګنده کړه.
د یادونې وړ ده چې محترم حافظ عبدالکریم تر دې وړاندې د پکتیکا ولایت د شهیدانو او معلولینو چارو په رياست کې د آمر په توګه دنده ترسره کوله.
