د هلمند ولایت د شهیدانو او معلولینو چارو په رياست کې اداري غونډه ترسره شوه
د شهیدانو ورثه وو او معلولیت لرونکو وګړو ته د معیاري خدمتونو وړاندې کولو په موخه د هلمند ولایت د شهیدانو او معلولینو چارو رئيس محترم الحاج ملا صدوخان حق شناس په مشرۍ اداري غونډه جوړه شوه، چې پکې د رياست اړوند ټولو کارکوونکو حضور درلود.
محترم الحاج ملا صدوخان حق شناس په دې غونډه کې کارکوونکو ته د شهیدانو ورثه وو او معلولینو د مشاهدې فورمونو او سروې په اړه اړینې لارښوونې وکړې.
نوموړي ټینګار وکړ چې د شهیدانو ورثه وو او معلولینو ته باید ښه، مؤثر او پر وخت خدمات وړاندې شي، د هغوی پر وړاندې شته ستونزې له منځه یوړل شي او له اړوندو کارکوونکو څخه یې وغوښتل چې خپل ورسپارل شوي مسؤلیتونه په پوره اخلاص، همغږۍ او د دقت سره ترسره کړي.
