د شهیدانو او معلولینو چارو وزیر محترم الحاج ملا عبدالمجید آخند کونړ ولایت ته سفر وکړ
د شهیدانو او معلولینو چارو وزیر محترم الحاج ملا عبدالمجید آخند کونړ ولایت ته یې د سفر پر مهال په یاد ولایت کې د شهیدانو او معلولینو چارو ریاست ته د نوې ځانګړې شوې ودانۍ څخه ليدنه وکړه.
په دې سفر کې د مالي او اداري چارو عمومي رئيس محترم مولوي کلیم الله افغان، د کارکوونکو چارو رئیس محترم مولوي محمد موسی صدیقي، د مالي او حسابي چارو رئيس محترم مولوي محمد امین دروېش او د څارنې او ارزونې رئیس محترم محمد صابر ځواک د محترم وزیر صاحب ملتیا کوله.
د شهيدانو او معلولينو چارو محترم وزیر د کونړ ولایت د مقام د دفتر رئیس محترم مولوي محمد امین حق پرست سره د لیدنې ترڅنګ، په یاد ولایت کې د وزارت اړوند رياست له لوري د ترسره شويو فعالیتونو، اجراآتو او یتیمانو، کونډو او معلولینو ته د خدمتونو وړاندې کولو له بهیر څخه هم ارزونه ترسره کړه.
د کونړ ولایت د شهيدانو او معلولينو چارو رئيس محترم مفتي عبیدالله حقاني د محترم وزير صاحب څخه یې د شهيدانو ورثه وو او معلولينو ته د ځانګړې پاملرنې له امله مننه او قدرداني وکړه او د یتیمانو، کونډو او معلولینو پر وړاندې شته ستونزې او د هغوی غوښتنې هم د شهيدانو او معلولينو چارو وزیر محترم الحاج ملا عبدالمجید آخند سره شریکې کړې.
