په خوست ولايت کې پر (۳۷۰) مستحقو کورنيو باندې د مرستو وېش
د خوست ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت اړوند د شهيدانو او معلولينو پر (۳۷۰) مستحقو کورنيو باندې اته (۸) ډوله خوراکي توکي په منظم او عادلانه ډول ووېشل.
د خوست ولایت د شهيدانو او معلولينو چارو رياست مسؤلينو د یادې مؤسسې له مرستو مننه او قدرداني وکړه.
په ورته وخت کې هغو مستحقو کسانو چې مرستې ترلاسه کړې وې، د شهيدانو او معلولينو چارو رياست له مرستو یې خوښي وښوده او په راتلونکي کې یې هم د ورته مرستو غوښتنه وکړه.
