د شهيدانو او معلولينو چارو وزارت د داخلي تفتیش یو پلاوي د پکتيکا ولايت د شهيدانو او معلولينو چارو رياست د ترسره شوېو فعاليتونو او کړنو څخه بررسي پېل کړه
د شهيدانو او معلولينو چارو وزارت د مرکزي مفتشینو آمر محترم مولوي امان الله جمالي په مشرۍ یو پلاوي چې د شهيدانو چارو مفتیش محترم نذیر احمد احمدي او د معلولينو چارو مفتیش محترم امین الله امیني یې ملتیا کوله، پکتيکا ولايت ته یې د سفر په ترڅ کې د شهيدانو او معلولينو چارو رياست ترسره شوېو کړنو او فعالیتونو څخه یې هر اړخیزه بررسي او ارزونه پېل کړه.
په پام کې ده چې یاد پلاوی به د شهيدانو او معلولينو چارو وزارت د مقام د هدايت پر اساس په (۱۴۰۲) کال کې د یاد ولایت د شهيدانو او معلولينو چارو رياست له لوري ترسره شوې کړنې او فعاليتونه په دقیق ډول بررسي او راپور به یې د وزارت له رهبرۍ سره شریک کړي.
