په (۲۵۵) تنو معلولیت لرونکو وګړو باندې په کندهار ولایت کې ویلچرونه ووېشل شول
د کندهار ولایت د شهیدانو او معلولینو چارو ریاست د یوې خیریه مؤسسې په مالي ملاتړ د یاد ولایت په مرکز او ولسواليو کې پر (۲۵۵) تنو مستحقو معلولینو باندې ویلچرونه ووېشل، همداراز د ویلچرونو ترڅنګ له هر مستحق سره یو اندازه نغدي مرسته هم ترسره شوه.
په ورته وخت کې معلولیت لرونکو وګړو هم د ویلچرونو د ترلاسه کولو له امله خوښي څرګنده کړه او یادونه یې وکړه چې دا ډول مرستې به وکولای شي د هغوی د تګ او راتګ ستونزو په راکمولو کې تر ډیره حده مرسته وکړي همداراز یادو معلولینو د نورو ورته مرستو غوښتنه هم وکړه.
د یادونې وړ ده چې په یادو ویلچرونو کې (۵) عرادې برېښنایي ویلچرونه هم شامل وو، او مستحقو کسانو ته ورکړل شول.
