په کنړ ولایت کې سلګونو تنو مستحقو کسانو باندې مرستې ووېشل شوې
د کنړ ولایت د شهیدانو او معلولینو چارو ریاست د (HHRD) خیریه مؤسسې سره په همغږۍ د شیګل ولسوالۍ اړوند (۲۵۰) تنو یتیم زده کوونکو باندې د خوراکي توکو مرستې ووېشلې، همداراز د اسعد آباد ښار اړوند د فني او حرفوي زده کړو پر (۶۶) تنو زده کوونکو باندې د خوراکي توکو ترڅنګ، هر زده کوونکي ته (۲۰۴۰) افغانۍ د لارې کرایې په موخه هم ورکړل شوې.
د مرستو د وېش پر مهال د کنړ ولایت د شهیدانو او معلولینو چارو رئیس محترم مفتي عبیدالله حقاني د یادې مؤسسې له مرستو یې مننه او قدرداني وکړه.
