په کابل ولایت کې پر یو شمېر مستحقو کسانو باندې اختریزې ډالۍ ووېشل شوې
د کابل ولایت د شهیدانو او معلولینو چارو ریاست د کوچني اختر په ورځو کې د یو شمېر یتیمانو او معلول ماشومانو لپاره اختریزې ډالۍ چمتو کړې وې، یادې ډالۍ د محترم قاري شمس الامین زهیر له لوري هغو ماشومانو ته ووېشل شوې چې پرته له سرپرست څخه په کور کې ژوند کوي.
محترم قاري شمس الامین زهیر په ډیرې مهربانۍ او شفقت سره هر ماشوم یتیم او معلول ته اختریزه ډالۍ ورکړه او ورته یې ډاډ ورکړ: "تاسو یوازې نه یاست، موږ ستاسو ترڅنګ ولاړ یو".
د کابل ولایت د شهیدانو او معلولینو چارو رئیس د ډالېو په ورکړۍ سره د یتیمانو او معلول ماشومانو زړونو ته امید او خوښي وبښله.
