په کابل ولایت کې د (۲۴) مستحقو کورنیو د اقتصادي ځان بسیاینې په موخه مرسته ترسره شوه
د کابل ولایت د شهیدانو او معلولینو چارو ریاست د شهیدانو کورنيو د اقتصادي ځان بسیاینې په موخه، د (ZFA) خیریه مؤسسې سره په همغږۍ، د ده سبز او بګرامې ولسوالیو کې، د یتیمانو او کونډو مېرمنو (۲۴) کورنیو ته د شیدو وزې ورکړې، چې هرې کورنۍ د (۲۸۵) ډالرو په ارزښت مرسته ترلاسه کړه.
د یادو مرستو د وېش پر مهال د شهيدانو او معلولينو چارو وزارت د پروژو د تطبيق څخه د څارنې او ارزونې آمر محترم ملا مطیع الله ابوالمختار، د کابل ولایت د شهیدانو او معلولینو چارو ریاست استازو او د یادې مؤسسې مسؤلینو شتون درلود.
