په خوست ولایت کې د (۴۳) ملکي شهیدانو کورنېو او ټپیانو سره مرستې ترسره شوې
په یادو مرستو کې چې دیارلس ډوله خوراکي توکې شاملې وې، د بلومونټ خیریه مؤسسې په مالي ملاتړ او د خوست ولایت د شهیدانو او معلولینو چارو ریاست په همغږۍ پر مستحقو کسانو په شفاف ډول وویشل شوې.
د مرستو د ویش پر مهال د خوست ولایت د شهیدانو او معلولینو چارو رئیس ښاغلي مولوي عبدالرحیم د یادې خیریه مؤسسې د کړیو مرستو څخه مننه وکړه او یادې مؤسسې له مسؤلینو یې وغوښتل تر څو د خپلو مرستو لړۍ ته دوام ورکړي.
همدارنګه په سویل ختیځ زون کې د بلومونټ خیریه مؤسسې مسؤل هم مستحقو کسانو ته د مرستود رسولو په برخه کې د نوموړي ولایت د شهیدانو او معلولینو چارو ریاست هڅې وستایلې.
