په بغلان ولایت کې اتیا (۸۰) تنو مستحقو معلولینو ویلچرونه ترلاسه کړل
د بغلان ولایت د شهیدانو او معلولینو چارو ریاست د یوې خیریه مؤسسې سره په همغږۍ د یاد ولایت اړوند اتیا (۸۰) تنو معلولیت لرونکو وګړو باندې ویلچرونه ووېشل، همداراز هر مستحق سره یو اندازه نغدي مرسته هم ترسره شوه.
د یادو ویلچرونو د وېش پر مهال د بغلان ولايت د شهيدانو او معلولينو چارو رئيس محترم ملا احسان الله عابد او د یادې مؤسسې مسؤلینو شتون درلود. نوموړي د وزارت مشرتابه او د خیریه مؤسسې له کړیو مرستو څخه یې مننه وکړه او له نورو خیریه بنسټونو یې هم وغوښتل چې د دې زیانمن شوي قشر لپاره لازياتې مرستې برابرې کړي.
