د څار او ارزونې ریاست نوبتي ناسته
د څار او ارزونې ریاست نوبتي ناسته
د څار او ارزونې ریاست غړو د راپورونو د راټولولو او د شهیدانو او معلولینو په چارو کې د دولت وزارت د هوکړه لیکونو د پلي کولو په موخه نن له غرمې وروسته ناسته ترسره کړه.
دغه ناسته چې د څار او ارزونې ریاست ریس ښاغلي ګل احمد عثماني په مشرۍ جوړه شوې وه په هغه کې د مرکز او ولایتونود څار او ارزونې د غړو کار او له موسسو سره د شهیدانو او معلولینو په چارو کې د دولت وزارت د هوکړه لیکونو د پلي کولو د څار څرنګوالی تر بحث لاندې ونیول شو.
په سر کې ښاغلي عثماني د شهیدانو او معلولینو په چارو کې د دولت وزارت وزیر جلالتمآب لعل الدین آریوبی د څار او ارزونې په اړه د رغنده هدایاتو په باب یادونه وکړه او زیاته ېې کړه چې څار او ارزونه د یوې ادارې د سترګو او غوږونو د حیثیت په معنی دي او د فساد په راکمولو او له مینځه وړلو کې د یوې پاکې ادارې په جوړولو کې خورا ډېره مرسته کوي د ناستې په ترځ کې د غونډې غړو یو له بل سره د دغه وزارت د هوکړه لیکونو د پلي کولو په اړه خپل نظرونه شریک کړل او ترڅنګ ېې د راپورونو د راټولولو او یو ځای کولو په اړه هم بحث تر سره شو او په دې باب لازم تصمیمونه ونیول شول.
