د واحدې دریڅې او برېښنایي سیستم د تطبیق چارې دې چټکې شي
د واحدې دریڅې او برېښنایي سیستم د تطبیق چارې دې چټکې شي
د شهیدانو او معلولینو چارو سرپرست وزیر پوهنمل حمید الله فاروقي د واحدې دریڅې خدمتونو مرکز او د برېښنایي سیستم مسولینو سره په غونډه کې د چارو د تطبیق پر چټکتیا ټینګار وکړ.
ښاغلي فاروقي وویل: د شهیدانو ورثې او معلولینو ته دې د واحدې دریڅې له لارې خدمتونه نور هم ګړندي او اړینې اسانتیاوې رامنځته شي.
د یاد مرکز مسوولینو د خدمتونو وړاندې کولو، برېښنایي سیستم د تطبیق او برېښنایي تذکرو د وېش څرنګوالي په اړه پرزنټېشن وړاندې کړ وویل، چې تطبیق سره به یې اسانتیاوې رامنځته شي.
ښاغلي فاروقي د مسولینو معلومات ګټور وګڼل او د چارو د لا ښه والي په موخه یې اړینې لارښوونې وکړې زیاته یې کړه، چې برېښنایي سیستم کې د شهیدانو د ورثې او معلولینو د اسنادو د ثبت بهیر باید ژر نهایي شي، تر څو بشپړه رونتیا تامین او چارې چټکې شي. ښاغلي فاروقي د ټولو برخو تر منځ د همغږي او همکارۍ په لا ټینګښت تاکید وکړ او د چارو د منطم والي لپاره یې مهم وګڼل.
