د مجاهدینو د جهادي دورې د خدمت په فورمو کې د قدم د دقیقې محاسبې په موخه د شهیدانو او معلولینو چارو په وزارت کې غونډه ترسره شوه
د مجاهدینو د جهادي دورې د خدمت په فورمو کې د قدم د محاسبې په موخه غونډه د دې وزارت د مالي او اداري چارو عمومي رئیس محترم مولوي کلیم الله افغان په مشرۍ او د کارکوونکو چارو رئیس محترم مولوي محمد موسی صدیقي، د مالي او حسابي چارو رئيس محترم مولوي محمد امین دروېش په ګډون جوړه شوې وه. په دې غونډه کې د تصفیوي کمیسیون له لوري د مجاهدینو د جهادي دورې د وروستیو او تایید شوو خدمتونو په فورمو کې د قدم د محاسبې څرنګوالي په اړه هر اړخیز بحث وشو.
د دې غونډې د جوړیدو اصلي موخه دا وه چې په فورمو کې قدم په دقیق ډول محاسبه او شفافیت خوندي شي او مجاهدینو ته د هغوی د خدمت امتیازات په اسانۍ سره ورکړل شي.
