د شهیدانو او معلولینو چارو په وزارت کې پر (۱۶۰) تنو مستحقو معلولیت لرونکو وګړو باندې ویلچرونه ووېشل شول
د شهیدانو او معلولینو چارو وزارت د ټولنیزو خدمتونو د تنظیم ریاست د معلولیت لرونکو وګړو د ستونزو راکمولو او هغوی ته د ژوند آسانتیاوو رامنځته کولو په موخه د یوې خیریه مؤسسې سره په همغږۍ په دې وزارت کې پر (۱۶۰) تنو مستحقو معلولینو باندې ویلچرونه ووېشل.
یاد ویلچرونه د ټولنیزو خدمتونو د تنظیم رئیس محترم مولوي ثناء الله فرقاني، د وزارت د پروژو څخه د څارنې او ارزونې آمر محترم ملا مطیع الله ابوالمختار او د ټولنیزو خدمتونو د تنظیم آمر محترم صفي الله سدید په شتون کې په شفاف او منظم ډول پر مستحقو کسانو باندې ووېشل شول.
د یادونې وړ ده چې د شهیدانو او معلولینو چارو وزارت د معلولیت لرونکو وګړو په ورځیني ژوند کې د سهولتونو رامنځته کولو په موخه تر دې مخکې هم په مرکز او ولایتونو کې زرګونو معلولینو ته ویلچرونه وېشلي دي.
