د شهیدانو او معلولینو چارو وزیر د جنډر پر وړاندې د توپیري چلند د مخنیوي پالیسي لاسلیک کړه

sadiq_admin
چهارشنبه ۱۳۹۹/۱۱/۱ - ۹:۱۷
ss

د شهیدانو او معلولینو چارو وزیر د جنډر پر وړاندې د توپیري چلند د مخنیوي پالیسي لاسلیک کړه

نن سه شنبه د مرغومې ۳۰مه د شهیدانو او معلولینو چارو وزارت د جنډر دیپارټمنټ له لوري ترتیب شوې د جنډر او ښځو پر وړاندې د توپيري چلند د مخنیوي پالیسي لاسلیک کړه.

د ناستې په پیل کې د شهیدانو او معلولینو چارو وزارت د جنډر سلاکارې آغلې صفیې صدیقي، په وزارت کې د ښځو لپاره د کاري زمینې برابرولو او انډول ساتنې په برخه کې د ښاغلي لعل الدین آريوبي د هلو ځلو، فعالیتونو، نیک نیت او اقداماتو ستاینه وکړه او نوموړی یې د پوره بصیرت، ځیرکتیا، پیاوړي مدیریت او مهربان رهبریت څښتن وزیر وګاڼه.

د شهیدانو او معلولینو چارو وزارت د برنامو او همغږۍ مرستیالې هم د جنډر برخه کې د ښاغلي آریوبي د ځانګړې پاملرنې مننه وکړه او هیله یې وښوده، چې نور باصلاحیته دولتي چارواکي هم د ښاغلي آریوبي لاره تعقیب کړي، څو په ټولنه کې د ښځو لپاره کاري فرصتونه برابر شي او پر وړاندې یې تاوتریخوالی له منځه ولاړ شي.

د ناستې نورو ګډونوالو په خپل وار له ښاغلي آریوبي مننه وکړه، چې د خپل بریالي ماموریت په بهیر کې یې دوی ته په ځانګړي درنښت قایل و او په وزارت کې یې ورته بنسټیز کارونه ترسره کړي دي.

ښاغلي آریوبي مننه وکړه، چې د جنډر برخې مسوولینو د جنډر او په کاري محیط کې د ښځو پر وړاندې د توپيري چلند او تاوتريخوالي د مخنیوي په اړه یې هراړخیزه پالیسي برابره کړې ده وویل: ښځې د ټولې نیمايي برخه تشکیلوي او په کاري ماحول کې له دوی څخه اغیزمنه ګټنه د چارو د لا سمبالښت او تنظیم سبب ګرځي او په دې برخه کې زیات کار او پرله پسې هڅې کولای شي چې دغه موخه ترلاسه شي.

نوموړي زیاته کړه، ښځې هم حق لري چې له خپلو وروڼو سره اوږه په اوږه د هېواد د ابادۍ او سوکالۍ لپاره کار وکړي او په دې سره به په ټولنه کې شته نیمګرتیاوې له منځه ولاړې شي.

د ناستې په پای کې ښاغلي آریوبي د جنډر او ښځو پر وړاندې د توپيري چلند او تاوتریخوالي د مخنیوي هغه پاليسي، چې ددې وزارت د جنډر برخې مسوولینو لخوا ترتیب شوې وه، هم لاسليک کړه.

 

تازه خبرونه

چهارشنبه ۱۴۰۳/۱/۸ - ۱۳:۱۰
Background image

د پکتیا ولایت د شهیدانو او معلولینو چارو رئیس د مرکز ګردیز د ګذر له وکیلانو سره مستحقو کسانو ته د مرستو چمتو کولو په موخه غونډه ترسره کړه

د پکتیا ولایت د شهیدانو او معلولینو چارو رئیس محترم مولوي محمد نبي محمدي د پکتیا ولایت مرکز ګردیز اړوند له ګذر وکيلانو سره د یوې غونډې په ترڅ کې له هغوی وغوښتل تر څو د یاد ریاست سره د. . .

سه‌شنبه ۱۴۰۳/۱/۷ - ۱۲:۴۶
Background image

د شهیدانو ورثه ؤ او معلولینو د پالنې مرکز رئیس ته د ښو فعالیتونه او هڅو په پار ستاینلیک ورکړل شو

د (HHRD) خيريه مؤسسې رهبرۍ له لوري د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد ته د حرفوي زده کړو پروګرامونو د ښه پلي کېدو، اغېز منو خدمتونو، سپېڅلتيا، وطن. . .

سه‌شنبه ۱۴۰۳/۱/۷ - ۱۱:۴۲
Background image

د غزني ولایت د شهیدانو او معلولینو چارو رئیس په دې ولایت کې د عزیزي بانک له مسؤل سره د شهیدانو ورثه ؤ او معلولینو د مساعدتونو د ورکړې په تړاو غونډه تر سره کړه

د غزني ولايت د شهيدانو او معلولينو چارو رئيس محترم مولوي محمد انور برادر په دې ولایت کې د عزيزي بانک څانګې له مسؤل سره وکتل. په دې کتنه کې په (۱۴۰۳) کال کې  د شهيدانو ورثه ؤ او معلولینو. . .

BACK TO NEWS