د شهیدانو او معلولینو چارو وزارت د کورنۍ پلټنې په ریاست کې اداري غونډه ترسره شوه
د شهیدانو او معلولینو چارو وزارت د کورنۍ پلټنې رئیس محترم مولوي محمد انور برادر په مشرۍ په یاد ریاست کې اداري غونډه ترسره شوه، په دې غونډه کې د ریاست اړوند ټولو آمرینو او کارکوونکو ګډون کړی وو.
د دې غونډې په ترڅ کې محترم مولوي محمد انور برادر د کاري بهیر د لا ښه والي په موخه کارکوونکو ته لازم هدایات ورکړل، چې په کې د مکتوبونو پر وخت ځواب کول، د روښانه او څرګنده راپورونو لیکل، ریاستونو ته د مسلکي سپارښتنو وړاندې کول، د مفتشینو لخوا د تفتیش پر مهال له ښه برخورد څخه کار اخیستل او ځینې نور اړوند موارد شامل وو.
همداراز په دې غونډه کې د شهیدانو او معلولینو چارو د مرکزي مفتشینو آمر محترم مولوي امان الله جمالی د دیني ارشاداتو په هکله ګډونوالو ته خبرې وکړې، د دې ترڅنګ د غونډې نورو ګډونوالو هم خپل نظرونه او وړاندیزونه وړاندې کړل او د محترم مولوي محمد انور برادر لخوا هغوی ته لازمې لارښوونې وشوې.
