د شهیدانو او معلولینو چارو وزارت د کارکوونکو چارو په ریاست کې اداري غونډه ترسره شوه
د کاري بهیر د لاښه والي په موخه د کارکوونکو چارو په ریاست کې اداري غونډه ترسره شوه، یاده غونډه چې د کارکوونکو چارو رئیس محترم مولوي محمد موسی صدیقي په مشرۍ جوړه شوې وه، په کې اړوندو آمرینو او کارکوونکو ګډون کړی وو.
په دې غونډه کې محترم مولوي محمد موسی صدیقي د استخدام په پروسه کې د ځینو مهمو موضوعاتو په اړه خبرې وکړې او کارکوونکو ته یې سپارښتنه وکړه چې د کورنۍ پلټنې ریاست له لوري استول شویو استعلامونو ته باید پر وخت، په دقیق او مسؤلانه ډول ځواب ورکړي، تر څو اداري چارې په منظم او شفاف ډول پر مخ لاړې شي.
همداراز د غونډې ګډونوالو د چارو د لا ښه والي په موخه خپل نظریات او وړاندیزونه شریک کړل، د موضوعاتو تر څېړلو وروسته، محترم مولوي محمد موسی صدیقي په یادو برخو کې کارکوونکو ته، لازمې لارښوونې وکړې.
