د شهیدانو او معلولینو چارو وزارت د مرکزي ودانۍ او اړوندو برخو د ترمیم ساختماني پروژې په موخه، د آفر پرانستنې غونډه ترسره شوه
د شهیدانو او معلولینو چارو وزارت د مرکزي ودانۍ او اړوندو واحدونو د ترمیم ساختماني پروژې په موخه، د آفر پرانستنې غونډه د یاد وزارت د تدارکاتو آمریت په دفتر کې، د خدماتو، ساتنې او پاملرنې رئیس محترم مولوي سردار محمد حبیب تر مشرۍ لاندې، د آفر پرانستنې پلاوي په حضور کې، د ټاکل شویو اصولو او معیارونو مطابق ترسره شوه.
د تدارکاتو آمریت د مخکېني اعلان له مخې، په شرایطو برابر شپږو شرکتونو د دې پروژې شرطنامې ترلاسه کړې وې او خپل آفرونه (وړاندیزونه) یې وړاندې کړل، د آفر پرانستنې ټول مراحل په شفاف، منظم او د تدارکاتو قانون او مقرراتو سره سم ترسره شول.
