د شهیدانو او معلولینو چارو وزارت د بشري سرچینو ریاست کې د کاري بهیر د لاښه والي په موخه اداري غونډه ترسره شوه
یاده غونډه چې د بشري سرچینو رئیس محترم مولوي محمد موسی صدیقي په مشرۍ جوړه شوې وه په هغه کې د یاد ریاست د استخدام آمر محترم محمد انور سخي زاده، د سوانحو او ارزونې آمر محترم کریم الله فاروقي، د ظرفیت لوړولو او اداري پراختیا آمر محترم عزیز احمد احمدی او د یاد ریاست اړوند کارکوونکو ګډون کړی وو.
په دې غونډه کې د بشري سرچینو رئیس محترم مولوي محمد موسی صدیقي د دې ریاست په اړوند موضوعاتو هر اړخیزې خبرې وکړې او زیاته یې کړه: د دې غونډې د جوړیدو اصلي موخه په دې ریاست کې د تېرو اونېو په لړ کې د ترسره شویو فعالیتونو او کړنو ارزونه او همدارنګه په روانه اونۍ کې د چارو ښه ترسره کول دي.
په دې غونډه کې د بشري سرچینو ریاست اړوند کارکوونکو ته دنده وسپارل شوه تر څو د شهیدانو او معلولینو چارو وزارت د (۱۴۰۳) کال په تشکیل کې د زیات شویو بستونو او همدارنګه د بالمقطع او (NTA) بستونو لپاره د دندو لایحې جوړې کړي او د دې ترڅنګ هغه د دندو لایحې چې ژباړلو ته اړتیا لري له پښتو ژبې څخه دري ژبې ته او له دري ژبې څخه پښتو ته وژباړل شي.
په دې غونډه کې د شهیدانو او معلولینو چارو وزارت کارکوونکو ته د عربي او انګلیسي ژبو د زده کولو په موخه د روزنیزو پروګرامونو او همداراز په ولایتونو کې د وزارت اړوند ریاستونو مالي او اداري مدیرانو د کاري وړتیا لوړولو په موخه د اداري مراسلاتو په برخو کې د ورکشاپونو د جوړیدو پر څرنګوالي هم خبرې وشوې.
د یادې غونډې په پای کې محترم مولوي محمد موسی صدیقي د یاد ریاست اړوند کارکوونکو له خوا د چارو د ښه ترسره کولو له امله مننه وکړه او له هغوی یې وغوښتل ترڅو ورسپارل شوې دندې په پوره اخلاص او همغږۍ ترسره کړي.
