د شهيدانو ورثه ؤ او معلولينو د پالنې مرکز په انګړ کې د ياد مرکز په همکارۍ د ايچ ايچ آر ډي مؤسسې له لوري اويا(۷۰) تنو یتیمانو ته د سيرت النبي (ص) تر عنوان لاندې يو ورځنی محفل داير شو.
د شهيدانو ورثه ؤ او معلولينو د پالنې مرکز په انګړ کې ددې مرکز په همکارۍ د ايچ ايچ آر ډي نړېوالې مؤسسې له لوري د کابل ولايت اويا (۷۰) تنه يتيمانو ته د سيرت النبي (ص) تر عنوان لاندې يو ورځنی محفل ترسره شو چې په دې محفل کې د شهيدانو ورثه ؤ او معلولينو د پالنې مرکز محترم رئيس ملا رحمت الله خالد ،د کابل ولايت د شهيدانو او معلولينو چارو رياست له لوري سيد منير،د ټولنيزو چارو رياست له لوري شيرين آغا او د ايچ ايچ آر ډي مؤسسې نماينده ګانو حضور درلوده چې په دې لړ کې (۳)تنو هغو يتيمانو ته چې د سيرت النبي (ص) د سيالۍ په ترڅ کې په لمړۍ ،دوهمې او دريمې درجې ترلاسه کولو سره جوايز ورکړل شو او همدارنګه د ورزشي لوبو په پايله کې (۱۷)تنو نورو يتيمانو ته ورزشي جوايز هم ورکړل شول,د يادولو وړ ده چې ددې محفل په پايله کې ټولو يتيمانو ته د تفريح تر څنګ د غرمې ډوډۍ په اعلی درجه ورکړل شوه.
